A BBare

De sère te vogghe cercànne, BBare,

E ttu iàbbre com’a na rose,

Me cunde le stòrie, m’abbràzze,

Me dìsce mestère…

.

Pàsseche da vècchie strate

E mme parne cchiù andìche,

Me vègghe vestùte com’a

  nnu barèse

D’àlde tìimbe.

.

Chiamèndeche lendàne

Forse che la sperànze de vedè

N’assàlde saracìne

E le barìse iìnd’o castìidde

.

Che ttande d’ècchie apìirte

Oggn’e mmure iè na stòrie.

Palàzze de seggnùre

E screfùtte de pezzìinde

.

Me dìscene le nume de famìgghie,

Fatte de sanghe e de grannèzze,

E iòbbre e iòbbre d’arteggiàne

C’honne lassàte

  u core appezzecàte.

.

Tu me fasce merì, BBare,

E nno mme fasce penzà a nessciùne;

Non zènghe la vosce

  d’àlde paièsere

Non vogghe ca u munne

  iè cchiù granne,

.

Ca lendàne da tè vivene

  razz’e rrazze

Tu me sì ffatte la fattùre,

Te sì pegghiàte u core,

Come ce nù fòsseme zite.

.

Vattìnne!… Làsseme m-bbasce,

Nonn-u vìte come me sì redùtte?

Nonn-u vìte ce ccère?

  ce iècchie sprefùnne?

Ce uè da mè?

.

Nonn-è cchiù vvite, chèsse;

Chèsse iè ccome a na morte;

Làsseme, sìind’a mmè…

Vattìnne lendàne, diapàsce!

.

Cettà com’a ttè nge ne stonne,

Ne iàcchieche a megghìare.

Seffrì? Seffrì pe ttè?

Làsseme pèrde, masciàre!…

.

Vattìnne!… No! vìine,

No mme lassànne,

Sènze de tè iì mòreche;

Sènze de tè me sènghe iòrfene…

.

Tu arresemìgghie a mmamma mè

Ca grìte, ma po’ m’accapìssce;

Ammène mazzàte

  ma po’ m’abbràzze

Strìtte strìtte.

.

Dimme tu, BBare…

U mare se porte le paròle tò,

Ma iì sacce ce ccose sì velùte disce;

Nù ngi-accapesscìime pure

  ce stame citte.

.

Tu sì barèse accòm’a mmè,

E a nnù avàste n’occhiàte

Pe sendì, pe sapè, pe ghedè,

Pe ièsse sèmbe nù…

.

Autore: Pasquale Sorrenti (1927-2003)